დღეს, 26 მარტს, მსოფლიო „იასამნისფერ დღეს“ (Purple Day) აღნიშნავს. ეს არის საერთაშორისო ინიციატივა, რომლის მიზანია ეპილეფსიის შესახებ საზოგადოების ინფორმირება, მითების მსხვრევა და იმ ადამიანების მხარდაჭერა, რომლებიც ამ დიაგნოზით ცხოვრობენ.
ამ დღის ისტორია 2008 წელს დაიწყო, როდესაც ცხრა წლის კანადელმა გოგონამ, კესიდი მეგანმა, საკუთარი გამოცდილების საფუძველზე გადაწყვიტა, ხმა მიეწვდინა მსოფლიოსთვის. მას სურდა ყველას სცოდნოდა, რომ ეპილეფსიის მქონე ადამიანები მარტონი არ არიან და მათ სჭირდებათ საზოგადოების თანადგომა და არა სტიგმა.
იასამნისფერი (ლავანდისფერი) ეპილეფსიის საერთაშორისო სიმბოლოდ მიიჩნევა. ის სიმბოლურად მარტოობასთან ასოცირდება, რასაც ხშირად გრძნობენ ამ დიაგნოზის მქონე პირები საზოგადოების მხრიდან არასწორი აღქმის გამო.
მსოფლიოს სხვადასხვა ქვეყანაში ადამიანები იცვამენ იასამნისფერ სამოსს, ატარებენ შესაბამისი ფერის აქსესუარებს და სოციალურ ქსელებში ავრცელებენ საგანმანათლებლო ინფორმაციას. ბევრ ქალაქში ცნობილი შენობები და მონუმენტებიც კი იასამნისფრად ნათდება.
ექსპერტები შეგვახსენებენ, რომ ეპილეფსია ერთ-ერთი ყველაზე გავრცელებული ნევროლოგიური დარღვევაა, თუმცა მის გარშემო არსებული ცრურწმენები ხშირად უფრო მეტ ზიანს აყენებს ადამიანებს, ვიდრე თავად დაავადება.
წყარო: Purple Day
