5 დეკემბერს, თბილისში სასტუმრო Courtyard by Marriott Tbilisi-ში სამედიცინო კონფერენცია „საქართველოს ჯანდაცვა ხელოვნური ინტელექტის ეპოქაში | დამოუკიდებლობის 35 წელი – რა არის შედეგი?“ გაიმართება. ღონისძიების ორგანიზატორები BUSINESS MEDIA GEORGIA-ს გადაცემა „ჯანდაცვის სტანდარტი“ და სამედიცინო პლატფორმა Medscriptum არიან.
კონფერენციის ორგანიზატორები 35 წლის განმავლობაში ქართული ჯანდაცვის ცვლილებებზე და დღეს ხელოვნური ინტელექტის და ციფრული ტექნოლოგიები შესაძლებლობებს მონაწილეობით სწრაფ ცვლილებებზე ამახვილებენ ყურადღებას. აქედან გამომდინარე ისინი სვამენ კითხვას რა უნდა შეიცვალოს, სად არის საჭირო ინვესტიცია და რა გადაწყვეტილებების მიღებაა საჭირო დღეს.
ღონისძიების მიზანია დამოუკიდებელი, მრავალსექტორული პროფესიული პლატფორმის შექმნაა, სადაც პროფესიონალები, მეცნიერები, პოლიტიკის შემმუშავებლები, ბიზნესი, პაციენტთა ორგანიზაციები, ქართული ბიოსამედიცინო დიასპორა და საერთაშორისო პარტნიორები ჯანდაცვის გრძელვადიან განვითარებაზე რეგულარულად იმსჯელებენ. ერთ-ერთი მთავარი თემა იქნება AI-ისა და ციფრული ტექნოლოგიების უსაფრთხო და პასუხისმგებლიანი გამოყენება. მიღებული რეკომენდაციები კი პოლიტიკის შემმუშავებლებს გადაეცემათ.
კონფერენციის ფარგლებში სამი პანელური დისკუსია გაიმართება თემებზე – როგორ შეუძლია ხელოვნურ ინტელექტს და ციფრულ ტრანსფორმაციას შესაბამისი მიმართულების გაძლიერება და რა რისკები უნდა გავითვალისწინოთ: ეთიკა, მონაცემთა დაცვა, უსაფრთხოება, თანასწორობა.
“კონფერენციის მთავარი შედეგი იქნება მუდმივმოქმედი, დამოუკიდებელი და მრავალსექტორული პროფესიული პლატფორმა, რომელიც კონფერენციის შემდეგაც გააგრძელებს მუშაობას ჯანდაცვის სისტემის განვითარებაზე. პლატფორმაზე ეტაპობრივად გამოიკვეთება და განიხილება კონკრეტული თემები, შეფასდება გამოწვევები და შესაძლებლობები, მომზადდება რეკომენდაციები პოლიტიკის შემმუშავებლებისა და უწყებებისთვის”, – აღნიშნავენ ღონისძიების ორგანიზატორები.
სამეციდინო კონფერენციაზე დასწრება ონლაინ ფორმატშიც იქნება შესაძლებელი. ღონისძიებაზე დასწრების მსურველებმა კი რეგისტრაცია 3 დეკემბრის ჩათვლით უნდა გაიარონ.
წყარო: BM.GE
