თელავის რაიონული სასამართლოს გადაწყვეტილების გამოცხადებიდან სულ რაღაც ერთ საათში, მოქალაქეებმა ექიმ მაია კოხტაშვილის გასათავისუფლებლად საჭირო 50 000-ლარიანი გირაო სრულად შეაგროვეს.
შეგახსენებთ, რომ ახმეტაში ექიმი-ნევროპათოლოგი მაია კოხტაშვილი სამართალდამცავებმა დააკავეს. ოჯახის ახლობლების განმარტებით, ექიმს დახმარება მოქალაქემ სთხოვა, რომელმაც განაცხადა, რომ ლოგინად ჩავარდნილ დედას ძლიერი ტკივილების გამო კლინიკაში მისვლა არ შეეძლო და მედიკამენტი გადაუდებლად ესაჭიროებოდა. სწორედ აღნიშნული თხოვნის საფუძველზე გაცემული რეცეპტი გახდა სამართალდამცავების მხრიდან ექიმის დაკავების საფუძველი.
