2026 წლის 28 ივნისს, ქალაქი ბათუმი უმნიშვნელოვანეს სამედიცინო ფორუმს უმასპინძლებს. საქართველოს ნეონატოლოგთა ასოციაციის, მ. იაშვილის სახელობის ბავშვთა ცენტრალური საავადმყოფოსა და ბათუმის დედათა და ბავშვთა ცენტრალური ჰოსპიტალის ორგანიზებით, გაიმართება XXV საზაფხულო კონფერენცია თემაზე: „ნეონატოლოგიური ზრუნვის გაუმჯობესების საფუძვლები: ახალშობილთა სკრინინგი და ქალის რძის ბანკი“.
საერთაშორისო და ადგილობრივი ექსპერტების მონაწილეობით, კონფერენციაზე რამდენიმე ფუნდამენტური სამედიცინო საკითხი განიხილება:
-
დედის რძე და დონორი ქალის რძის ბანკი: ევროკავშირის ახალი რეგულაციები რძის ბანკებისთვის, ბუნებრივი კვების მნიშვნელობა დაბალი წონის ახალშობილებში და ბათუმის რძის ბანკის სამუშაო პროტოკოლი.
-
ახალშობილთა მეტაბოლური სკრინინგის საერთაშორისო დღე: სპინალური კუნთოვანი ატროფიის (SMA) სკრინინგი, დაავადების მართვის თანამედროვე თერაპიული ეპოქა და მთლიანი ეგზომის სექვენირების მნიშვნელობა კრიტიკულ ახალშობილებში.
კონფერენციის პროგრამის, დეტალური განრიგისა და დამატებითი საორგანიზაციო სიახლეების გასაცნობად, გთხოვთ, მიმართოთ ორგანიზაციის ოფიციალურ ფეისბუქ გვერდს.
