რომის პაპ ლეო XIV-ს დამატებითი ონკოლოგიური მკურნალობა აღარ დასჭირდება. ვატიკანის პრესსამსახურის მიერ გავრცელებული ოფიციალური განცხადების თანახმად, 13 ოქტომბერს ამოკვეთილი სიმსივნე ლოკალიზებული ფილტვის ადენოკარცინომა აღმოჩნდა, რაც იმას ნიშნავს, რომ დაავადება სრულად კონტროლს ექვემდებარება.
21 ოქტომბერს გამოქვეყნებული სამედიცინო დასკვნის მიხედვით, პონტიფიკოსს მარჯვენა ფილტვის ქვედა წილი ამოუკვეთეს. დოქტორმა ლუიჯი კარბონემ და პროფესორმა სტეფანო მარგარიტორამ საბოლოო ჰისტოპათოლოგიური და მოლეკულური კვლევების შედეგები ოთხშაბათს საღამოს შეაჯამეს.
„წმინდა მამის ოპერაციის დროს ამოკვეთილი ქსოვილის საბოლოო ჰისტოპათოლოგიურმა და მოლეკულურმა ტესტირებამ დაადასტურა, რომ სიმსივნე ფილტვის ადენოკარცინომა იყო და დაავადება ლოკალიზებული აღმოჩნდა. შემდგომმა ონკოლოგიურმა შეფასებამ ცხადყო, რომ არანაირი დამატებითი მკურნალობა საჭირო არ არის,“ — აღნიშნულია ვატიკანის პრესსამსახურის მიერ გავრცელებულ ერთობლივ განცხადებაში.
მანამდე პაპის მკურნალმა ქირურგმა განაცხადა, რომ პონტიფიკოსის ჯანმრთელობის მდგომარეობა სტაბილურია და მისი სამხრეთ ამერიკაში დაგეგმილი ვიზიტის გაუქმების კლინიკური საფუძველი არ არსებობს.
წყარო: vaticannews
