2-5 მაისს, თბილისი უპრეცედენტო მასშტაბის სამედიცინო მოვლენას უმასპინძლებს. სასტუმრო „რედისონ ბლუ ივერიაში“ საერთაშორისო კონგრესი “GAACI meets WAO” გაიმართება , რომელიც საქართველოს ალერგოლოგიის და კლინიკური იმუნოლოგიის ასოციაციის ორგანიზებით ტარდება.
ღონისძიება განსაკუთრებულია იმითაც, რომ მის ფარგლებში ალერგიის მსოფლიო ორგანიზაცია (WAO) საკუთარ 75 წლის იუბილეს სწორედ საქართველოში აღნიშნავს.
კონგრესი აერთიანებს რამდენიმე უმნიშვნელოვანეს ფორუმს, რაც მულტიდისციპლინური მიდგომის შესაძლებლობას იძლევა:
-
ალერგიის, ასთმისა და იმუნოლოგიის XV საიუბილეო ეროვნული კონგრესი;
-
ასთმისა და ფილტვის ქრონიკული ობსტრუქციული დაავადების (COPD) XI ევროპის კონგრესი;
-
COVID-19-ის პრევენციის, დიაგნოსტიკისა და რეაბილიტაციის V საერთაშორისო კონგრესი;
-
დერმატო-ვენეროლოგთა, მიკოლოგთა, ფოტოდერმატოლოგიისა და კანის კიბოს ასოციაციების გაერთიანებული კონფერენცია;
-
რესპირაციული და პედიატრთა ასოციაციების სიმპოზიუმები.
კონგრესის სამეცნიერო პროგრამა გამორჩეულია თავისი აკადემიური დონით. მონაწილეებს საშუალება ექნებათ მოისმინონ:
-
ნობელის პრემიის ლაურეატის, აარონ ჩეხანოვერის საჯარო ლექცია;
-
WAO-ს მოქმედი და ექს-პრეზიდენტების მოხსენებები;
-
ევროპის ალერგოლოგიისა და კლინიკური იმუნოლოგიის ასოციაციასთან (EAACI) გაერთიანებული სიმპოზიუმები.
ფორუმი ეძღვნება დარგის გლობალურ კალენდარს: ასთმის მსოფლიო დღეს, ალერგიის მსოფლიო კვირეულსა და იმუნოლოგიის მსოფლიო დღეს. მონაწილეებს ეძლევათ შანსი წარადგინონ საკუთარი ნაშრომები ზეპირი ან პოსტერული მოხსენების სახით.
კონგრესზე რეგისტრაციისთვის შეავსეთ ფორმა: forms.gle/69poLbud1dzHbJ8bA
